Кыл пӯччо — таве́к мал-ӱ́тӄэт ча́ӷмы-авре́шпэдэл хӯр, туто́лҗэдэл хӯрулат тӯбэутэ, шэд пӯччол чарҗе́т тапо́дэл о́ӄӄэр хӯр э̄я (кыба́тӯбэӷыт э̄җендэл, кана́дыл пӯччо́т не́ӷэнд). Уго́л ҷвэ́ҷэт хӯрундаӷэндо ха̄л варӷ туто́лҗэдэл хур э̄я ай ӧ́дэлхыбынҗӓ́утэ шэ́дэмҗел варӷ хур э̄я.
Нэп
Чӯмэл э̄җ пӯччо́ арӄ хамоҗи́л шэ̄лаӷэт а̄ тӓнумба́, ундо́ сӱссэӷу́лжӓре́, тюйӷу́лҗӓре́ ай шӧшӷу́лҗӓре́ на̄ э̄җ ны́льҗик э̄җӓ́лгва.
ӄанду́к эла́
Пӯччо́ варге́җегу на́драдыт арко́к шарва́тпэл кыт ӄэтпа̄роӷыт, най чво́рӷэт, а́ӄӄаӷыт, то̄ӷыт, ӱтмо́ӷэт. Пӯччо́ ҷа́нҗэл ай чек нӱрва́дэшпэдэл кып ай ылт ко́рэӈ ка́ннэмбэл ӧ́дэп а̄ на́драдыт. Пӯччо́нан ӱт то́бӄыт маргэл ӄоралҗа́к ай ча́бэл по̄л ӄоралҗа́к келемна́ — таве́ят пӯччо́т аб. Пӯччо́ кек фа̄ӈ у́рна ай ӧт па̄дэрна. Пӯччо́ ӧт па̄дэрна 5 мину́тӄо та́бэт варӷ мы́дэт ай пу́гат чат. Пӯччо́ 20 верста́ шаӈ пе́нҗа пет ҷанҗ. Ундо́ ҷвэҷо́ӷэт пӯччо́ кошӄа́лк ҷа́җа.