Ӄэт кы

Ӄэт кы (руж. река Кеть; чуй. Кіон куай; Ӄэт сӱссэ. Кӧт кы; шӧль. Кэтыль кы; пай. *Кон кай) — То́пӄэл ӄа̄дэрӷэл Ӄалпа́дэт айма́ӄӄэл варӷ кы. На кытпа̄роӷэт сӱ̄ссэӄу́ла уго́т и̇̄р варга́дэт, Ӄэткыт та̄мэлпеле́каӷэт сӱ̄ссэӷу́ла Ӄэткып "Квэрган кы" нэмдэкумба́дэт.

Кы

Ӄэт кы 1621 халҗ чумб, кыт па̄р 94 тэ́ттха́лҗ ҷанҗ э̄я. Ӄэт ӱт 560 ве́дралме́тра мӱлга́лбарт чар шарва́тэнда. Ӄэткынак Ня́рэм ӄваҷэт ӄӧ̄ӷэт а̄мда. Ӄэт кыт ӱт Ӄо́лдэнд тӧ́ле няннэ́ та́ӄӄэлта̄зи̇нд тӧ́нда.

Ӄэт кыт чу́мэлҗӓре́ нэ́мдэмбэл кыге́ла: (напеле́кал) Со́чур,  Ке́льма (каӈма́җэл?), Чагисэй кы, Тоголь кы, Пар кы... (кве́дэл) Кэльчигэй кы, Кассай кы, Катай кы, Лай кы, Чачам кы, Ӄа̄рбэл аӈга, Суй кы...

Варгамо́ла

Ӄэт кытпа̄роӷэт Ма́комӷэл эд, Айдара эд, Катай кыт эд, То̄на́ӄэл эд, Макси́мкатӄэ́т эд, Степа́новкал эд, Ма́ксыр эд, Клю́квинкал эд, Чаӷ ӄэт эд, Ӱ̄дин эд, Кыге́на́к эд, Роҗӧ́н эд, Ти́псина эд, Новосӧ́ломот эд, Чумбэнэ́н эд, Кирина́н эд (Тогур), Копыло́мкыт эд.

И̇р

1596 пот Ӄэткытпа̄роӷэт ру́жэл каза́ӈӄу́ла Ня́рэмэл ӄва́ҷ умдэлҗэмба́т, Ӄэт кыт та̄мэл ӄэтпа̄роӷэт Ӄэт ӄва́ҷэп умдэлҗэмба́т, табла́ Ӄэткыт ӄу́ланандо ӄа́лят и́шпэҳадэт.

Уго́т и̇р Ӄэткыӷэт ке́нынӄу́ла ай чу́мэлӷу́лат ӄо́нҗэл сӱ̄ссэӷула варгэҳа́дэт.

__EXPECTED_UNCONNECTED_PAGE__